Errenazimentua, XV. mendearen bukaeratik XVII. mendera bitartean landutako arte- eta arkitektura-estiloa da. Honakoak ditugu estilo honen ezaugarri nagusiak:
Sabai lauak kasetoiaz apainduak ageri dira.
Kanoi-gangak"Elkarren paralelo diren bi hormaren arteko espazioa estaltzen duen ganga, zilindro erdiaren itxurakoa." eta esferaerdiko kupulak nagusi dira.
Greziar garaiko zutabe klasikoetara jotzen da, hala nola korintoarrak, jonikoak eta dorikoak.
Hainbat hormetan marrazki geometrikoak margotzea gustatzen zaie.
Perspektiba edo hirugarren dimentsioa aurkitzen dute. Hiru dimentsioko irudiak egiten hasten dira eta horrekin batera tranpantojoak"Begiari egiten zaion tranpa." margotzen dituzte nonahi.
Leihoak harrizko mainel batek zatitzen ditu eta hura, aldi berean, arku itsu batean barruan aurkitzen den frontoi batean bukatuta dago.
Arkitektura zibilean loggia motako galeriak ohikoak dira.
Patioetako arkuetan medailoi klasikoak dira nagusi.
Materialik erabilienak marmola, adreilua eta paramentu txikiak dira.
Elementu dekoratiboen artean girnaldak, gruteskoak, kandelontziak eta balaustradak aurki daitezke edozein eraikuntzatan.